為女死為女亡就聽得多，但為Gin死為Gin亡你又聽過未？ 咁大件事冇人講？ 冇人講咪我講囉！
嗱點解啲人會喺18世紀為Gin而陷入半世紀嘅瘋狂，甚至成為窮人恩物？ 因為飲Gin仲安全過飲水，同埋喺1689年至1697年期間，倫敦政府禁止咗白蘭地嘅入口，同埋鼓勵啲人整杜松子酒，而且啲蒸餾廠又細又簡單，咁就令到Gin 好似「我的愛如潮水」咁，開到一發不可收拾！
Gin喺嗰陣易整又易買，倫敦每一個角落都會見到買Gin嘅地方，（好似7-11咁梗有一間喺你左近），倫敦貧民窟邊到都喺星期五嘅LKF，到處都係飲醉酒嘅人。
其實點估到除咗窮人為咗Gin瘋狂，連女人都癲埋一份？Gin出現之前，英國人飲啤酒基本都視為男人象徵，但Gin嘅出現重新定義對飲酒嘅睇法。Gin令女人為酒而瘋狂，而Gin嘅黑歷史都喺女人身上出現。 一幅Gin Lane（琴巷）嘅圖就係表表者，除左周圍都喺醉酒佬之外，就係一個阿媽醉到自己個仔就嚟跌死都唔知，甚至仲有阿媽殺咗自己個女，就係為咗賣咗佢地啲衫嚟買Gin飲！
聽到咁你仲想像唔到當時嘅人對Gin有幾crazy？ 咁又唔好以為飲Gin一定要賣女先，而家嘅人隊Gin shot都隊到斷片都夠晒crazy喇，喺咪？ 但無可否認Gin都係受女士歡迎，下次我哋講吓倫敦一定係Dry Gin？
Once you try Gin, you never go back!
網上圖片
