好奇GIN王

William出身於大眾以玩樂為主的酒吧，本來只與啤酒、Diamond Black、芝華士溝綠茶為伍。

某天當時老闆帶他到旗下「唔嘈」、沒有人劈酒的酒吧，William意識到原來除了飲醉酒，烈酒有另一層次、更有趣的視線，想學更多，慢慢由cocktail bar轉戰至Gin bar。

入行後，他迫自己鍛煉觀察力。「花時間關心人，自自然然知道嗰個人需要乜！咦你咳？畀杯唔凍嘅Gin & Tonic你，今晚唔會再咳！」

 自命八卦，即是好有好奇心，使他更有創作力，William認為Gin的好玩之處就是飲Gin、造Gin方式日新月異。「Gin對我嚟講係好廣闊嘅嘢，有排玩！會係繼vodka之後最強大嘅烈酒，有機會取代威士忌地位！」未來的Gin會更好玩，更有彈性。他甚至希望憑他的創作力，為這種最易成為話題的酒整合一個專業認證，媲美其他飲品。

William會於Urban Nutters之中，和大家開拓新Gin方向。