今日同大家分享吓Gin分類。
一般人會點樣分類Gin呢？係酒吧飲過嘅、人哋請我飲過嘅、我自己畀錢飲過嘅。哈哈，講笑啫！
專業人士嘅做法，講求乜嘢原材料嘅份量有幾多、味道呈現有幾多、點樣做蒸餾、出嚟嘅就色澤係點、嗅覺呈現咩味、味覺可唔可以試到佢個原材料成份……等等。
聽起來好複雜，等我簡單咁教大家一個分類方法。
首先都必須要了解佢嘅原材料成份係乜嘢先，咁樣你就可以基本了解到佢想呈現嘅係咩風味。
DRY GIN:
好常見會有London dry或signature dry。一般都會比較着重杜松子、香辛料、橘子皮等味道。着重呈現Gin酒類本身味道，係比效傳統啲嘅Gin做法，歷史比較悠久，可以講比較大路。
CONTEMPORARY GIN:
市面上好現代化嘅Gin，都會用某啲獨特成份作為佢哋嘅味道主力。例如：胡椒類、柑橘類、花類、草本類，大部份可以喺個名或者招紙上識別到。做法上大多以Dry Gin作為基酒，加上蒸餾師選取嘅獨特成份作蒸餾，去突顯獨特成份嘅個性。
OLD TOM GIN:
市面上好現代化嘅Gin，都會用某啲獨特成份作為佢哋嘅味道主力。例如：胡椒類、柑橘類、花類、草本類，大部份可以簡單理解就係Gin加上額外糖份去令酒更易入口。以前主要用白糖做甜味，但因為現代科技進步同追求健康，所以就會有好多唔同材料去代替白糖。例如：蔗糖、水果、花類、蜂蜜等等，亦有好多蒸餾師鍾意做木桶陳年Old Tom Gin，一般會係招紙上面見到個貓樣（笑），有機會的話我會再講多啲佢嘅歷史。
講住咁多先，下次再同大家分享多啲呢個話題！
