檸檬茶，港人不可或缺的飲品。香港一直用新Ｘ士檸檬，黃色嗰隻，但原來檸檬都有好多品種：有果香、有花香的，詳細就大家自己上網絡世界慢慢搵資料。
今日我飲呢杯，店員就告訴我有三款檸檬品種在內，分別是香水檸檬、青檸檬及黃檸檬，搞到我聽完都成個腦都係黃色……再加上原來也可以揀唔同茶底，甚麼綠茶、鴨屎香等等。
我的伴侶都算係一個愛飲檸茶的人，我都知港式配嘅茶底都係甚麼3號、錫蘭等等，至於調配比例則是家家不同，但我今日飲這杯，可以話只有第一啖好吸引我，之後就歸於平淡。
不過，大家都明白，味道嘅嘢，好個人嘅。大家都係跟隨自己口味去選擇便好了，不用太着重甚麼食神推介啦！
