唔試唔知自己得：「人哋嘅鼓勵係好大嘅動力」
為儲企業實習時數， BlackJack入職McCafe，使他對咖啡有初步認識， 同儕都讚賞他的咖啡，不知不覺間形成一股無形動力，他亦因此對咖啡增添了一份好奇和熱情，開始上網睇教學、學味道、學做圖案。BlackJack心想：「或者自己有咖啡天份，或者是可造之材！」於是他轉職至另一間著重拉花的咖啡連鎖店Habitu。
連鎖店的8年，找到連鎖店的樂趣
大公司雖然較小店缺乏人情味，但有資源做多元培訓，有同事互相學習、切磋。8年期間，他經過不斷的調舖、幫更，建立了自己的人脈和「鍾意技術分享，鍾意拉花」的形象，見識不同分店的裝修和運作，更重要的是認識一班同樣熱愛拉花的好同事。
每次BlackJack去分店幫更，主管都會安排他負責咖啡檔，同事更會滿心期待地大嚷：「Jack嚟啦，battle呀！」 這更令他的拉花手藝進步神速。
2013年，他贏得Habitu內部拉花比賽冠軍，成為第一個被派到Habitu旗下新品牌The Coffee Academics發展的員工，其後他自薦到紐約參加世界拉花比賽，擴闊世界咖啡觀。
「我本身較內向，但一講啡經就講唔停，所以想透過咖啡認識唔同嘅人。
「因為Kim Yeung贏世界賽，所以自己走去New York玩吓比賽，知道自己（水平）去到邊。本來無打算衝名次，只為識人同互動，做番自己輕鬆啲，反而比賽攞到亞軍，算係職業生涯最勁嘅一件事。」
人生最Nuts的事：跳出大公司comfort zone，自創每個細節都有故事的咖啡店
「唔知贏定輸，但要繼續玩落去」
由BlackJack為挑戰自己衝去玩世界拉花比賽，已知他絕不甘心做隨波逐流的鹹魚。他形容，大公司會壓榨員工，不了解前線苦況，也有規限限制他的發展，而他本身是改變不了。
「試過有同事用唔同原因同因素反對我嘅意見，仲話『算啦，客人都唔識飲㗎啦』，但我覺得唔應該咁樣，咖啡唔止咁簡單！
「香港人好鍾意試新野，你可以做SOE（Single Origin Espresso）的black coffee，但要話畀客人知佢飲緊啲咩、有咩味、點解咁做，例如這樣的black coffee會帶earl grey味道，沖煮出來的鮮奶咖啡會帶水果味。我覺得咖啡師企前線應該要咁。」這激發他自立門戶的勇氣，開創咖啡店Hashtag。
BlackJack獨愛港島區，又想整體節奏慢一點，所以舖頭選址避開商業區，座落人煙稀少的地區。
也許是以往幫更的經歷，他對大小舖位的設置都有清楚想法。一入現址，便有「係呢度啦」的感覺，閉上眼便出現整份設計藍圖。
夢想結合茶餐廳和咖啡店 自創茶餐廳味道特飲
「一直想開一間有茶餐廳特色嘅咖啡店，奶啡配蛋撻、西多士、炸雞髀，沙嗲牛肉麵配Iced Latte。我創嘅Signature Drink — Memories概念來自『啡走』，意思係我哋嘅集體回憶。
「Hashtag 係另一杯特飲，由單品濃縮咖啡、新鮮檸檬汁、rosemary和湯力水混合而成。」轉身他就拿起杯具，向我們示範Hashtag的沖法。
BlackJack一邊純熟地製作，一邊細緻地講解每個細節。「Hashtag用的是SOE — Single Origin Espresso，用的是Ethopia Fuji 水洗，較Fruity的咖啡豆。」有如練習多年的調酒師，那怕一邊說話，一邊製作，也能不慌不忙地用工具做出各種變化。
他繼續說：「用檸檬皮抹一抹杯邊，再用火彈一彈，目的再帶出檸檬味，最後噴上新鮮檸檬汁，呢個就係Hashtag，多謝！」
筆者本以為咖啡和檸檬皮會令特飲偏苦澀，驚喜的是湯力水的氣泡輕輕減弱咖啡的霸氣，也沖淡檸檬的酸和苦，仿如一杯甘口濃郁、清爽解膩的凍檸茶，非常適合想要咖啡因又不好咖啡的朋友。
自立門戶遇到的問題，肯定比受薪打工多千百倍，由租約、選舖、裝修、選豆、品牌定位等都一手包辦，小如盛載Dirty的玻璃杯都能感受到BlackJack對自己的一絲不苟。
「Dirty隻杯係特別搵的，我試過好多Mix，最後發現用肥仔梯形杯飲Dirty先可以一啖有齊熱啡同凍奶，比例最好」。
諗番都唔知點解會行呢一步，但我好enjoy。由零變到依家咁樣，慢慢蛻變同成長
他希望愛啡的人會因為他沖的牛奶咖啡和拉花而登門拜訪，真正以啡會友，連店名的靈感都是連貫連結，發掘更多的意思。他笑瞇瞇地說：「咖啡係打開話題嘅橋樑，客人會主動同佢傾偈，雖然通常第一句問飲咩好，好少第一句問攞電話，哈哈。
「一杯好嘅奶啡，客人飲完會笑、會有喜出望外嘅感覺。我希望用咖啡傳達訊息畀客人，好飲嘅咖啡係對你覺得好飲，唔係我話好飲就好飲。」
正所謂百貨應百客，當全世界的咖啡店都希望周身刀張張利，BlackJack卻選擇專注做好咖啡機沖煮的奶啡，並推介客人光顧其他以手沖或其他沖煮方法為主題的咖啡店，行動實踐他的「Hashtag」連結的概念。
開業一年半，由員工變成老闆，心態也有大轉變。對自己的表現滿意嗎？
「如果10分滿分，今日會畀自己8分，2分仲有啲細節位可以做得更好，例如做多啲marketing。而家非常困身，一直要長駐呢個地方，要思考點樣抽身出去。1年半已經用到咁多concept，做到今日嘅成就，3年後希望自己再行得前少少。」
BlackJack的咖啡夢想：在海邊上居下舖
BlackJack的想法很多，談到咖啡夢想，他說：「想喺海邊上居下舖，閒時沖下咖啡，唔洗憂柴憂米，得閒招呼一下朋友，還可以拿着杯招牌Hashtag搖下搖下。」不過他慨歎這種生活很難在香港發生，除非租金下調，節奏便可以慢一點。
訪談到尾聲，筆者好奇BlackJack的由來，BlackJack說他的外號來自讀書時期，當時黑黑實實，學號21號，剛好跟啤牌廿一點的英文一樣，便一直用到現在。
廿一點，是跟莊家鬥快到點數的一種博弈，常言道人生是場博弈，許多人會視自己為莊家，付出一切，賭上自己命運。BlackJack就是有想法，勇於跳出框框博一博，用行動試驗自己的天賦和想法的人，一躍便由坐在賭桌上也感迷茫的小伙子蛻變成今天眼前這位有理念、有觸覺的大莊家。
Barista Profile
Jack Lee Kam Wo 李錦和（BlackJack）@ Hashtag Coffee
年資：2011年入行
定位：Hashtag Coffee店主|咖啡師
專業：拉花
咖啡履歷：
– 2011-12: McCafé
– 2012: Habitu
– 2013: The Coffee Academic
– 2016: Café Corridor
– 2016-2018: Coco espresso (SW)
– 2018: Hashtag Coffee
個人名譽：
– 2014 Coffee Fest Latte Art World Championship(New York) 亞軍
– 2013-2014 Coffee Power Latte Art Championship
– 2014 TNTHK Latte Art Competition Champion
– 2015 MOTTA Hong Kong Latte Art Championship by Barista
– Latte Art S 拉花對抗賽 香港站第二名
評審及資歷：
– 2019 CTI「味全杯」咖啡拉花大賽 Latte Art Duel明星導師
你最喜歡/欣賞/深刻的圖案、咖啡豆和咖啡？
自己設計的聖誕樹
如果咖啡朋友想開舖，你有甚麼意見給他/她？
「叫佢唔好開。開係好，但要有自己的Reason。香港實在太多、太泛濫，唔係開店好時機，開其他唔同類型店舖好似好啲。如果年半前都會開，但而家一定唔會。疫情係其一問題，餅就係咁大，但大家不斷攞個餅走，應該整大個餅，唔係拎走個餅。」
BlackJack的啟蒙老師：
King Sir
「Coffee trainer陳子勁King Chan，畀咗好多support。每次考試都因為佢而盡力，想得到佢嘅肯定，愈變愈強嘅心態。」
Kim Yeung — 想與他共事的人。
「Kim係第一個華人在2012年New York Coffee Festival世界賽上拎獎，讓Jack知道香港咖啡師可以行到咁前，而家間唔中都會去AP咖啡店找他。」
