每次過節要我寫專題都係好難嘅事，因為分享係發自內心嘅，所以我每次不知不覺就會打滿一頁粗口。 （致編輯部：我都冇情人，點知情人節咩感受呀？）
咁又真係唔好忘記，「慶祝要飲酒，唔開心要飲酒」呢個人生道理。咁就試吓用酒，飲吓愛情嘅4個唔同階段。
第1道「萌芽」 ： Lunaqua 柚子蜂蜜
開始之先，就唔想直接飲烈酒，怕愛情道路太難行。呢個只有12%酒精濃度嘅柚子味酒就非常有愛情開始萌芽嘅感覺，柚子嘅清新加蜂蜜嘅清甜，雪凍直接飲，真係醒神。
Caption: Lunaqua 雪櫃雪凍直接飲／加冰飲
第2道「熱戀」 ：Rock Rose Gin Summer Edition
當兩個人相愛，就會好似玫瑰盛開咁，咁燦爛奪目。
呢隻Gin用pinapple sage（菠蘿鼠尾草）、meadowsweet（繡線菊）及elderflower（接骨木花），為你嘅Gin and Tonic增加清甜味道同埋花香，尤其配合Fever Tree嘅Elderflower Tonic進一步提升花香味，簡直甜到入心。
Caption: Rock Rose Gin Summer Edition 配 凍Fever Tree Elderflower Tonic 加冰飲
第3道「意外」：Broken Heart Gin
呢個係一個BL故事：兩個男士相識相知，成為摯友，一齊為做好Gin嘅夢想奮鬥。
事與願違，其中一位喺途中不幸先離開，另一位擦乾淚水，堅持為摯友完成夢想，用行動話畀大家知，咩係完美嘅Gin：用11種植物配方，製作出香料、花香、乾爽、清新的完美平衡，一齊為佢地嘅愛情結晶飲杯啦！
Caption: Broken heart Gin 配 凍Folkington’s Indian tonic 加冰飲／Dry Martini
第4道「打氣」 ：Lunaqua 菊花
Lunaqua 菊花酒，好似係一個為咗喺愛情路上荊棘滿路嘅加酒站一樣，清香解愁。入口甘甜潤滑，配上菊花香氣，修長餘韻，加上酒精唔濃，用室溫飲可為一個美麗嘅晚上作結。
Caption: Lunaqua 室溫直接飲用
介紹咗多好酒，我都有啲醉喇，係開心嘅醉。無論大家有冇情人都好，都希望有個充實愉快嘅情人節。
