真的很有趣，店對住一所佛寺，在店外喝咖啡一邊聽頌經，洗滌心靈？
店有兩層，坐樓上需要預約，而且樓上不設自己搵位。即係話，想坐的話，要預約或等店員安排。那我就守規矩，乖乖坐咖啡機前好了。
有趣打卡位，二樓係可以滑梯滑下來，當然冇成年人咁做啦。
地下都有16個位，好開揚，座位之間距離好開，地方大係唔同啲。
點了Espresso及朱古力蛋糕，講真，我食完件蛋糕都有5分鐘，杯espresso都未到，期間我見到咖啡師調整了很多次，又拿去給一個男生作試味，像需要批准一樣。有心做，讚！
送上嚟，真的三小口我便飲晒，是我喝過espresso暫時最好的一杯。但唯一要說的，就是居然用大杯上，可能少人點吧。
咖啡師也很健談，懂適時完結話題不作無謂打擾，其實一句：「Enjoy your coffee！」真係完結對話嘅神句。
